ഭരണിക്കാവ്
ബ്ലോക്ക് പഞ്ചായത്ത്

ആലപ്പുഴ ജില്ലയില്‍ മാവേലിക്കര താലൂക്കിൽ ജില്ലയുടെ തെക്കുകിഴക്ക് ഭാഗത്തായാണ് ഈ ബ്ലോക്ക് പഞ്ചായത്ത് സ്ഥിതി ചെയ്യുന്നത്. ത്രിതല പഞ്ചായത്ത് സംവിധാനം വന്നതോടെ ഭരണിക്കാവ് ബ്ലോക്കിന്റെ പരിധിയിൽ വരുന്ന ഭരണിക്കാവ്, ചുനക്കര, നൂറനാട്, പാലമേല്‍, മാവേലിക്കര-താമരക്കുളം, വളളികുന്നം എന്നീ ഗ്രാമപഞ്ചായത്ത് പ്രദേശങ്ങള്‍ ഉള്‍ക്കൊളളുന്ന ഭരണിക്കാവ് ബ്ലോക്ക് പഞ്ചായത്ത് രൂപം കൊണ്ടു.തെക്കുവശത്ത് കൊല്ലം ജില്ലയും കിഴക്ക് വശത്ത് പത്തനംതിട്ട ജില്ലയും അതിരുകളാണ്. ഭരണിക്കാവ്, കറ്റാനം, നൂറനാട്, വളളികുന്നം, ചുനക്കര, പാലമേല്‍ എന്നീ 7 റവന്യൂ വില്ലേജുകളും 116 ഗ്രാമപഞ്ചായത്ത് വാർഡുകളും നൂറനാട്, ഭരണിക്കാവ്, കൃഷ്ണപുരം എന്നീ 3 ജില്ലാ പഞ്ചായത്ത് ഡിവിഷനുകളും ഈ ബ്ലോക്ക് പഞ്ചായത്ത് പരിധിയിൽ വരുന്നു. കൂടാതെ കായംകുളം, മാവേലിക്കര അസംബ്ലി നിയോജക മണ്ഡലങ്ങളുടേയും മാവേലിക്കര, ആലപ്പുഴ പാര്‍ലമെന്‍റ് നിയോജക മണ്ഡലങ്ങളുടേയും...